Innleiing

I byrjinga av 60 åra var det folk imellom tala om at det gamle bedehuset - bygd tidleg på 1900 talet - hadde gjort fullgod teneste og trong fornying.

5. februar 1962

 Den fyrste plannemnda for eit nytt bedehus vald med sokneprest Einar Tuvin som formann.

27. februar 1964

Fyrste bedehusforeining vart starta. Det skulle vise seg å verta på dagen 17 år før ein la ned grunnsteinen til det nye bedehuset.

29. mars 1968

Det vart vald ny plannemnd med den nye soknepresten Finn Halle Tvedt som formann.

23. mars 1973

Det vart vald ei eiga innsamlingsnemnd med Lars K. Vik som leiar og ei ny plannemnd med Georg Vik som formann.

8. desember 1976

Mottak av godkjenning frå Fitjar Jordstyre.

9. mars 1977

Hordaland Fylkeslandbruksstyre gav si godkjenning.

Tomtespørsmålet var i orden og det vart vald eige styre for det nye bedehuset som skulle byggjast. Formann for dette styret var Eli Vestbøstad (2 år) og seinare Georg Vik.

Ei byggjenemnd vart og vald med Trygve Eiken som formann. Byggjenemnda engasjerte arkitektane Anda og Hirth frå Voss. Etter fleire år med skriv og søknadar att og fram, kom arbeidet igong.

14. mai 1980

Fyrste spadestikk gjort.

31. januar 1981

Sperreflagget vaia i frisk kuling.

27. februar 1981

Grunnsteinsnedlegging

juli 1981

Kommunen ville leiga ein del av kjellaretasjen til helsestasjon - helsesyster og lækjar - og dei kunne flytta inn alt i juli 1981. Då hadde dugnadgjengane prioritert helsestasjonen.

19. august 1981

Arbeidet med 1. høgda og loftet gjekk no gjevnt og trutt vidare og fyrste bønemøte var onsdag 19. august 1981.

24. november 1981

Kvar laurdag vart det servert mykje god mat til friske dugnadsarbeidarar. Tysdag 24. november 1981 var verste ver i manns minne, med orkan frå nordvest. ” Me tek lommelykt med på stillaset i kveld” var beskjeden ”om straumen skulle gå”.

18. april 1982

Siste møte i det gamle bedehuset på Rimbareid.

23. april 1982

Årsmøtet for det nye Fitjar Bedehus skulle haldast i det halvferdige huset fredag 23. april 1982. Det var andakt av Nils M. Rydland.

25. april 1982

Fyrste søndagsmøte var eit familiemøte to dagar etter med tale av sokneprest Tore Tangen og det var ca. 200 frammøtte som vitna om at folket gjerne ville vera med og ta det nye  forsamlings-lokalet i bruk.

17. mai 1982

Fest i bedehuset og talar var Inge Ree.

17. oktober 1982

Vigsling av Fitjar Bedehus var lagt til søndag 17. oktober 1982. Det var ein stor dag for kristenfolket i bygda. Det var heilt fullt med folk som ville ta del i festen. Generalsekretær Ole Abel Sveen stod for sjølve vigslinga . Elles fekk ein med seg eit flott program med mykje takk til Gud for det fine og gode huset ein no hadde fått. Ein god base for å bringa evangeliet om Jesus ut til bygdefolket. (kollekt denne dagen ca. 50 000)

Fitjar oktober 1982 (TE)